முன்னாள் தொடர்பு மற்றும் பல்லூடகத் துறை துணை அமைச்சர் டத்தோ ஸாஹிடி ஸைனுல் அபிடின் மறைவுக்கு பிரதமர் டத்தோ ஶ்ரீ அன்வார் இப்ராஹிம் இரங்கல் தெரிவித்துள்ளார்.
நேற்று வெள்ளிக்கிழமை தனது 65-ஆவது வயதில் காலமான ஸாஹிடியின் குடும்பத்தினருக்கு அவர் ஆறுதல் கூறியுள்ளார்.
இந்தப் பெரும் இழப்பை எதிர்கொள்ளும் அவரது குடும்பத்தினருக்கு மனவலிமையும், பொறுமையும் கிடைக்க வேண்டும் என்றும் அன்வார் தெரிவித்துள்ளார்.
இதற்கிடையே, தற்போதைய தொடர்புத்துறை அமைச்சர் டத்தோ ஶ்ரீ ஃபாஹ்மி ஃபாட்ஸிலும் ஸாஹிடியின் மறைவுக்கு ஆழ்ந்த இரங்கலைத் தெரிவித்துள்ளார்.
இந்நிலையில், ஸாஹிடியின் உடலானது பினாங்கு மாநிலத்தில் உள்ள பாயான் லெப்பாஸ் இஸ்லாமிய மயானத்தில் இஷா தொழுகைக்குப் பிறகு நல்லடக்கம் செய்யப்பட்டது.
