சிலாங்கூர் மாநில அரசு ஊழியர்களுக்கு இரண்டு மாதச் சம்பளத்திற்கு இணையான சிறப்பு நிதியுதவி வழங்கப்படும் என மாநில மந்திரி பெசார் டத்தோ ஶ்ரீ அமிருடின் ஷாரி அறிவித்துள்ளார்.
2026ஆம் ஆண்டுக்கான 'கீத்தா சிலாங்கூர்' சிறப்பு நிதியுதவி, குறைந்தபட்சம் 1,000 ரிங்கிட் என்ற அடிப்படையில் வழங்கப்படும் என்றும் அவர் தெரிவித்தார்.
இந்த நிதியுதவி மாநில அரசு ஊழியர்கள் மட்டுமின்றி, மத்திய அரசின் ஊதியப் பட்டியலில் உள்ள சிலாங்கூர் பணியாளர்கள் மற்றும் காஃபா சமய வகுப்பு ஆசிரியர்களுக்கும் வழங்கப்படும்.
இதற்காக மொத்தம் 10 கோடியே 31 லட்சம் ரிங்கிட் ஒதுக்கப்பட்டுள்ளதாகவும், இந்நிதி வரும் டிசம்பர் 21ஆம் தேதிக்குள் வழங்கப்படும் என்றும் அமிருடின் ஷாரி கூறினார்.
மக்களுக்கு உதவுவதில் அரசு ஊழியர்கள் ஆற்றிய அர்ப்பணிப்பான பணிகளுக்கு நன்றியும் பாராட்டும் தெரிவிக்கும் வகையில் இந்த நிதியுதவி வழங்கப்படுவதாக அவர் குறிப்பிட்டார்.
