வடக்கு–தெற்கு நெடுஞ்சாலையில் தாப்பா அருகே போலீஸ்காரர்களை ஏற்றிச் சென்ற வேன் விபத்துக்குள்ளானதில் ஒருவர் உயிரிழந்ததுடன், குறைந்தது நால்வர் காயமடைந்தனர்.
இன்று காலை சுமார் 11.30 மணிக்கு, நெடுஞ்சாலையின் KM351.7 பகுதியில் இந்த விபத்து நிகழ்ந்ததாக தாப்பா மாவட்ட போலீஸ் தலைவர் சுப்ரிண்டெண்டன் அப்துல் மாலிக் ஹசிம் உறுதிப்படுத்தினார்.
வேனில் 10 போலீஸ்காரர்கள் பயணித்ததாகவும், உயிரிழந்தவரின் உடலும் காயமடைந்தவர்களும் தாப்பா மருத்துவமனைக்குக் கொண்டு செல்லப்பட்டதாகவும் அவர் தெரிவித்தார்.
இதற்கிடையில், விபத்து காரணமாக பிடோர் - சுங்கை இடையே சுமார் 7 கிலோமீட்டர் தூரத்திற்குப் போக்குவரத்து நெரிசல் ஏற்பட்டதாக வடக்கு தெற்கு நெடுஞ்சாலை வாரியமான பிளஸ் தெரிவித்தது.
பிற்பகல் 1.21 மணி நிலவரப்படி, அவசரப் பாதை மட்டுமே மூடப்பட்டிருந்ததுடன், ஏனைய பாதைகள் போக்குவரத்துக்குத் திறக்கப்பட்டிருந்தன.








