மலேசியாவின் பிரபல உணவக நிறுவனங்களான போட் நூடல்ஸ் மற்றும் பனானாபுரோ ஆகியவற்றின் நிறுவனர் டோனி லிம், தனது 47-வது வயதில் காலமானார்.
அவரது மறைவுக்கு இரு நிறுவனங்களும் சமூக ஊடகங்கள் வாயிலாக இரங்கல் தெரிவித்துள்ளன.
அவருடன் பணியாற்றியவர்கள் மற்றும் பொதுமக்கள் பலரும் அவரது அன்பு, பணிவு, தாராள மனப்பான்மை மற்றும் நட்பைப் பாராட்டி இரங்கல் பதிவுகளைப் பகிர்ந்து வருகின்றனர்.
மலேசியாவின் பாரம்பரிய வாழையிலை உணவுக் கலாசாரத்தை உலகிற்கு அறிமுகப்படுத்த வேண்டும் என்பது அவரது கனவாக இருந்ததாகவும் அவர்கள் குறிப்பிட்டுள்ளனர்.
டோனி லிம், கடந்த 2014-ஆம் ஆண்டு போட் நூடல்ஸ் உணவகத்தையும், அதன் வெற்றியைத் தொடர்ந்து 2018-ஆம் ஆண்டு பனானாபுரோ உணவகத்தையும் தொடங்கினார். மலேசிய உணவுத் துறையில் அவரது பங்களிப்பு என்றும் நினைவுகூரப்படும் எனப் பலரும் தெரிவித்துள்ளனர்.
