டோக்கியோ,செப்டம்பர் 27-
ஜப்பானின் புதிய பிரதமராக முன்னாள் தற்காப்பு அமைச்சர் Shigeru Ishiba தேர்ந்தெடுக்கப்பட்டுள்ளார்.
வரும் அக்டோபர் முதல் தேதி அவர் ஜப்பானின் 102 ஆவது பிரதமராகப் Shigeru Ishiba பதவி ஏற்பார். தற்போதைய பிரதமர் Fumio Kishida அதே நாளில் அதிகாரபூர்வமாகப் பதவி துறப்பார்.
நாடாளுமன்றத்தின் இரு அவைகளிலும் மிதவாத ஜனநாயகக் கடசியான LDP கட்சிக்குப் பெரும்பான்மை உள்ளது. அந்தக் கட்சியின் தலைவராகத் தேர்ந்து எடுக்கப்படுபவரே பிரதமர் நாற்காலியில் அமர்வார்.
அந்தப் பதவிக்கு இம்முறை வரலாறு காணாத போட்டி நிலவியது. தலைமைத்துவத் தேர்வுக்கான உட்கட்சித் தேர்தலில் ஒன்பது பேர் போட்டியிட்டனர். ஜப்பானிய அரசியல் வரலாற்றில் தலைமைப் பதவிக்கு இத்தனை பேர் போட்டியில் குதித்தது இதுவே முதல்முறையாகும்.
