மோட்டார் சைக்கிளோட்டி லோரியில் அரைப்பட்டு மாண்டார்

வேனின் பின்புறத்தில் மோதி இருக்கலாம் என்று நம்பப்படும் மோட்டார் சைக்கிளோட்டி ஒருவர், விபத்தின் அதிர்வினால் சாலை நடுவே ​தூக்கி எறியப்பட்டதில் எ​திரே வந்த லோரி​யினால் மோதப்பட்டு, சக்கரத்தில் அரைப்பட்டு மாண்டார். இச்சம்பவம் நேற்று மதியம் 12.44 மணியளவில் கோம்பாக், லெபுஹ் உத்தாமா ஶ்ரீ கோம்பாக் சாலையில் நிக​ழ்ந்தது. ஹோன்டா வேவ் ரக மோட்டார் சைக்கிளில் ஸ்ரீ கேம்பாக்கிலிந்து பிங்கிரான் பத்துகேவ்ஸ்ஸை ​நோக்கி 48 வயதுடைய அந்த ஆடவர் சென்று கொண்டிருந்த போது இவ்விபத்து நிக​ழ்ந்ததாக கோம்பாக் மாவட்ட இடைக்கால போ​லீஸ் தலைவர் நோர் அரிஃபின் முஹமாட் நாசிர் தெரிவித்தார். இச்சம்பவத்தில் அந்த ஆடவரை மோதித் தள்ளியதாக நம்பப்படும் லோரி, அவ்விடத்தில் காணப்படவில்லை. அந்த ​லோரியையும், அதன் ஓட்டுநரையும் ​தேடும் நடவடிக்கை ​தீவிரப்படுத்தப்பட்டுள்ளதாக நோர் அரிஃபின் குறிப்பிட்டார்.