ஷெட் செடிக் ஷெட் அப்துல் ரஹ்மான் பதவி விலக வேண்டும்

ஒற்றுமை அரசாங்கத்திற்கு வழங்கிய ஆதரவை ​மீட்டுக்கொள்ள வேண்டும் என்று அறிவித்துள்ள மூவார் எம்.பி.யும், மூடா கட்சியின் தலைவருமானஷெட் செடிக் ஷெட் அப்துல் ரஹ்மான், தமது ​மூவார் தொகுதியை ரா​ஜினாமா செய்துவிட்டு, இடைத் தேர்தலை ச​ந்திக்க வேண்டும் என்று கோரிக்கை வலுத்து வருகிறது.

ஷெட் செடிக் சரியான ஆண்மகனாக இருந்தால், பக்காத்தான் ஹராப்பான் வாயிலாக வெற்றிப் பெற்ற ​மூவார் நாடாளுமன்றத் ​தொகுதி உறுப்பினர் பதவியிலிருந்து விலக வேண்டும் என்று அம்னோ உச்சமன்ற உறுப்பினர் புவாட் சர்காஷி கேட்டுக்கொண்டுள்ளார்.

பிரதமர் டத்தோஸ்ரீ அன்வார் இப்ராஹி​ம் தலைமையிலான ஒற்றுமை அரசாங்கம் ​மூன்றில் இரண்டு ​பெரும்பான்மையை எட்டிப்பிடிப்பதற்கு தமது ஒரு எம்.பி. ஆதரவை வழங்கி தற்போது கொக்கரித்துக்கொண்டு இருக்கும் ஷெட் செடிக், தமக்கு அரசாங்கப் பதவி வேண்டுமானால் அதனை முறையாக கேட்டு பெற வேண்டுமே தவிர இன்று சிறப்பு நாடாளுமன்றம் கூடியிருக்கும் வேளையில் ஆதரவை ​மீட்டுக்கொண்டுள்ளதாக மிரட்டக் கூடாது என்று புவாட் சர்காஷி நினை​வுறுத்தியுள்ளார்.