ஷாஹ் அலாம், ஏப்ரல் 23-
கோல குபு பாரு சட்டமன்ற தொகுதி இடைத்தேர்தலில் களமிறங்கும் DAP கட்சியின் வேட்பாளருக்கு உதவ நினைக்கும் எந்தவொரு கட்சிக்கும் MCA முட்டுக்கட்டை போடாது.
அதேவேளையில், அந்த தேர்தலின் பரப்புரைகளில் களமிறங்காமல் ஒதுங்கியிருக்கும் தங்களின் நிலைப்பாட்டை ஒரு போதும் மாற்றிக்கொள்ள போவதில்லை என MCA-வின் தகவல் பிரிவு தலைவர் நியோவ் சூ சியோங் தெரிவித்தார்.
தேர்தலில் தேசிய முன்னணியிலிருந்து வேட்பாளர் களமிறக்கப்பட்டால் மட்டுமே, தங்களின் தரப்பில் பரப்புரைகள் மேற்கொள்ளப்படும். தங்கள் கட்சிக்கு எதிராக எத்தகைய கூற்றுகளை உம்னோ-வினர் முன்வைத்தாலும், தேசிய முன்னணிக்கான தங்களது விசுவாசத்தில் எவ்வித மாற்றமும் இல்லை.
தங்கள் கட்சியின் நிலைப்பாட்டிற்கு அனைத்து தரப்பினரும் மதிப்பளிக்க வேண்டுமென நியோவ் சூ சியோங் வலியுறுத்தினார்.
