ஜோகூர் மாநிலம், சிம்பாங் லீமா, கம்போங் ஜாலான் பாரு அருகே நேற்று இரவு கார் ஒன்று மரத்தில் மோதிய விபத்தில் 16 வயது சிறுவன் உயிரிழந்தார். மேலும் ஐந்து பேர் காயமடைந்தனர்.
இரவு 10.16 மணியளவில் இவ்விபத்து குறித்த அவசர அழைப்பு கிடைத்ததைத் தொடர்ந்து, பத்து பஹாட் தீயணைப்பு மற்றும் மீட்புப் படையிலிருந்து 13 வீரர்கள் சம்பவ இடத்திற்கு அனுப்பப்பட்டதாக அந்நிலையத்தின் செயல்பாட்டுத் தளபதி ஸுல்மாஸி அரிஃபின் தெரிவித்துள்ளார்.
அவர்களுடன் இரண்டு அவசர மருத்துவ மீட்புப் பிரிவுகளும், ஒரு தீயணைப்பு மற்றும் மீட்பு வாகனமும் அனுப்பப்பட்டன.
இந்த விபத்தில் புத்ரா முஹைமின் குட்ராட் முஹமட் நோர் வன்டி என்ற சிறுவன் சம்பவ இடத்திலேயே உயிரிழந்ததாக அறிவிக்கப்பட்டது.
காரில் பயணித்த மற்ற ஐந்து பேரும் காயங்களுடன் மீட்கப்பட்டு மருத்துவமனையில் அனுமதிக்கப்பட்டுள்ளனர்.
