எரிபொருள் விலை மேலும் குறைந்துள்ளது

கோலாலம்பூர், டிசம்பர்.24-

எரிபொருள் வாராந்திர விலை நிர்ணயிப்பில் அதன் விலை மேலும் குறைந்துள்ளது. மானியமற்ற பெட்ரோல் ரோன் 95, லிட்டருக்கு 6 சென் குறைந்து, 2 ரிங்கிட் 56 சென்னாக நிர்ணயிக்கப்பட்டுள்ளது.

பெட்ரோல் ரோன் 97, லிட்டருக்கு 8 சென் குறைந்து 3 ரிங்கிட் 16 சென்னாக நிர்ணயிக்கப்பட்டுள்ளது. தீபகற்ப மலேசியாவில் டீசல் விலை லிட்டருக்கு 8 சென் குறைந்து, 2 ரிங்கிட் 94 காசாக நிர்ணயிக்கப்பட்டுள்ளது.

மானியத்திற்குரிய பெட்ரோல் ரோன் 95 விலை, லிட்டருக்கு ஒரு ரிங்கிட் 99 சென்னாக தொடர்ந்து நிலைநிறுத்தப்பட்டுள்ளது என்று நிதி அமைச்சு ஓர் அறிக்கையில் தெரிவித்துள்ளது.