கோலாலம்பூர், நவம்பர்.26-
எரிபொருள் வாராந்திர விலை நிர்ணயிப்பில் பெட்ரோல் ரோன் 97 மற்றும் உதவித் தொகை வழங்கப்படாத பெட்ரோல் ரோன் 95, தீபகற்ப மலேசியாவில் டீசல் ஆகியவை லிட்டருக்கு 2 காசு விலை குறைந்துள்ளது.
பெட்ரோல் ரோன் 97, 3 ரிங்கிட் 28 காசுலிருந்து 3 ரிங்கிட் 26 காசுக்கு விலை குறைந்துள்ளது. உதவித் தொகை வழங்கப்படாத பெட்ரோல் ரோன் 95, 2 ரிங்கிட் 65 காசுலிருந்து 2 ரிங்கிட் 63 காசுக்கு விலை குறைந்துள்ளது.
உதவித் தொகை வழங்கப்படும் பெட்ரோல் ரோன் 95 விலையில் எந்த மாற்றமும் இல்லை. அது லிட்டருக்கு தொடர்ந்து 1 ரிங்கிட் 99 காசுக்கு நிலை நிறுத்தப்பட்டுள்ளது.
மற்றும் தீபகற்ப மலேசியாவில் டீசல் விலை 3 ரிங்கிட் 10 காசுலிருந்து 3 ரிங்கிட் 8 காசுக்கு விலை குறைந்துள்ளது என்று நிதி அமைச்சு இன்று ஓர் அறிக்கையில் தெரிவித்துள்ளது.
