முன்னாள் பிரதமர் துன் டாக்டர் மகாதீர் முகமது, மறைந்த மனைவி துன் டாக்டர் சித்தி ஹஸ்மா நல்லடக்கம் செய்யப்பட்ட இடத்தில் இன்று சென்று அஞ்சலி செலுத்தினார்.
புத்ராஜெயா, புசாரா நெகாராவில் உள்ள அவரது புதைகுழிக்கு காலை 11.05 மணியளவில் குடும்பத்தினருடன் சென்ற மகாதீர், சுமார் 15 முதல் 20 நிமிடங்கள் அங்கு இருந்தார்.
ஏழு தசாப்தங்களுக்கும் மேலாக தன்னுடன் வாழ்ந்த மனைவியை நினைவுகூர்ந்தபோது, மகாதீர் கண்ணீர் விட்டு உணர்ச்சிவசப்பட்டதாக பெர்னாமா தெரிவித்துள்ளது.
மகாதீரின் மூத்த மகள் மரினா மகாதீரும் தமது தாயார் நல்லடக்கம் செய்யப்பட்ட இடத்தில் அஞ்சலி செலுத்தினார்.
முன்னாள் தேசிய பூப்பந்து வீரர் டத்தோ ஸ்ரீ டாக்டர் லீ சோங் வெய், பாடகர் டத்தோ ரம்லி சரிப் உள்ளிட்டோரும் சித்தி ஹஸ்மாவுக்கு இறுதி மரியாதை செலுத்தினர்.
வெற்றி, தோல்வி என பாராமல் வீரர்களுக்கு தொடர்ந்து ஊக்கமளித்த சித்தி ஹஸ்மாவின் அன்பையும் ஆதரவையும் ஒருபோதும் மறக்க முடியாது என லீ சோங் வெய் தெரிவித்தார்.
