Nov 20, 2026
Thisaigal NewsYouTube

குடும்ப எண்கள் கைகொடுத்தன… கோடீஸ்வரரான 66 வயது கார் ஓட்டுநர்

திசைகள் செய்திப்பிரிவு
Share:
குடும்ப எண்கள் கைகொடுத்தன… கோடீஸ்வரரான 66 வயது கார் ஓட்டுநர்

குடும்ப உறுப்பினர்களுடன் தொடர்புடைய எண்களை வைத்து கடந்த பத்து ஆண்டுகளாக Toto அதிர்ஷ்டக் குலுக்கலில் விளையாடி வந்த 66 வயது தனியார் கார் ஓட்டுநருக்கு, தற்போது 2 கோடியே 39 லட்சத்து 45 ஆயிரத்து 954 ரிங்கிட் 40 சென் பரிசு விழுந்து, அவரை கோடீஸ்வரராக உயர்த்தியுள்ளது.

கடந்த ஆகஸ்ட் 29ஆம் தேதி நெகிரி செம்பிலானில் தனது மகளைச் சந்திக்கச் சென்றிருந்தபோது வாங்கிய சீட்டுக்குத்தான் இந்த அதிர்ஷ்டம் அடித்துள்ளது.

அவரது வெற்றி எண்களான 3, 5, 6, 10, 20, 42 ஒவ்வொன்றுக்கும் குடும்பத்துடன் தொடர்புடைய சிறப்புக் காரணம் உள்ளது.

3 என்பது அவரது மூன்று பிள்ளைகளையும், 6 என்பது ஆறு பேரக்குழந்தைகளையும் குறிக்கிறது. திருமணமான தேதி அக்டோபர் 20 என்பதால் 10 மற்றும் 20 ஆகிய எண்களையும் தேர்வு செய்துள்ளார். மேலும், 42 என்பது அவர் திருமணம் செய்து 42 ஆண்டுகள் ஆனதை குறிக்கிறது.

குறிப்பாக, ஆறாவது பேரக்குழந்தை பிறந்ததைத் தொடர்ந்து, வழக்கமாக பயன்படுத்திய 5 என்ற எண்ணுக்குப் பதிலாக 6 என்ற எண்ணை மாற்றியிருந்தார்.

வெற்றி எண்களை இரவு உணவு சாப்பிட்டுக் கொண்டிருந்தபோது பார்த்த அவர், அதிர்ச்சியில் சாப்பிடுவதையே நிறுத்திவிட்டு, மகளிடம் Toto செயலியில் முடிவைச் சரிபார்க்கச் சொன்னார்.

அந்தப் பரிசுத் தொகையில், குடும்ப உறுப்பினர்களின் நிலுவைக் கடன்களைத் தீர்த்துவிட்டு, மீதியை ஓய்வுக்காக சேமிக்கப் போவதாக அவர் தெரிவித்துள்ளார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →