முன்னாள் பிரதமர் துன் டாக்டர் மகாதீர் முஹமட்டின் துணைவியாரும் நாட்டின் மூத்த சமூக ஆளுமையுமான துன் டாக்டர் சித்தி ஹஸ்மா முஹமட் அலியின் மறைவு சமூகத்திற்கும் நாட்டிற்கும் பேரிழப்பு என பிரதமர் டத்தோ ஶ்ரீ அன்வார் இப்ராஹிம் இரங்கல் தெரிவித்துள்ளார்.
கோலாலம்பூரில் உள்ள அனைத்துலக மலேசிய இஸ்லாமிய பல்கலைக்கழக வளாகத்தில் நடைபெற்ற அனைத்துலக எதிர்கால மாநாடு 2026 நிகழ்வில் தொடக்க உரையாற்றுவதற்கு முன்னர் அன்வார் தமது இரங்கலைத் தெரிவித்தார்.
மேலும், மறைந்த துன் டாக்டர் சித்தி ஹஸ்மாவுக்காக சூரா அல்-ஃபாதிஹா ஓதுமாறு மாநாட்டில் பங்கேற்றவர்களிடம் கேட்டுக் கொண்டார்.
தேசிய இருதயக் கழகத்தில் இன்று காலை மறைந்த சித்தி ஹஸ்மாவின் மறைவுச் செய்தியை அவரது மகன் டான் ஶ்ரீ மொக்ஸானி மஹாதீர் ஊடகங்களிடம் உறுதி செய்துள்ளார்.
