Nov 21, 2026
Thisaigal NewsYouTube

பினாங்கில் ஸ்ரீ முருகன் கல்வி நிலையத்தின் 'கல்வி யுத்தம்': இந்திய மாணவர்களின் கல்வி எழுச்சி விழா

திசைகள் செய்திப்பிரிவு
Share:
பினாங்கில் ஸ்ரீ முருகன் கல்வி நிலையத்தின் 'கல்வி யுத்தம்': இந்திய மாணவர்களின் கல்வி எழுச்சி விழா

மலேசிய இந்திய மாணவர்களின் கல்வி மேம்பாட்டிற்காக ஸ்ரீ முருகன் கல்வி நிலையம் முன்னெடுத்துள்ள 'கல்வி யுத்தம்' நிகழ்வு பினாங்கு, பிறையில் நேற்ற மிகச் சிறப்பாக நடைபெற்றது. பினாங்கு மாநில ஆட்சிக்குழு உறுப்பினர் டத்தோஸ்ரீ சுந்தர்ராஜூ சோமு இந்நிகழ்வை அதிகாரப்பூர்வமாக தொடக்கி வைத்து, இந்திய மாணவர்களின் கல்வி வளர்ச்சிக்குச் சமூக அமைப்புகள் தொடர்ந்து ஆதரவளிக்க வேண்டும் என வலியுறுத்தினார்

44 ஆண்டுகளுக்கு முன்பு மறைந்த டான்ஸ்ரீ டாக்டர் தம்பிராஜாவினால் உருவாக்கப்பட்ட ஸ்ரீ முருகன் கல்வி நிலையில் கல்வி ரீதியாக நல்ல மனிதர்களையும் தலைவர்களையும் தந்துள்ளது. தங்கள் பிள்ளைகளுக்கு கல்வி முக்கியத்துவத்தை பெற்றோர்கள் மத்தியில் உணரசெய்துள்ளது என்று டத்தோஸ்ரீ சுந்தராஜு தெரிவித்தார்.

ஸ்ரீ முருகன் நிலைய இயக்குனர்சுரேன் கந்தா கூறுகையில், டான்ஸ்ரீ டாக்டர் தம்பிராஜாவினால் கடந்த 1982 ஆம் ஆண்டு தொடங்கப்பட்ட இந்த கல்வி யுத்தத்தின் மூலம் ஸ்ரீ முருகன் நிலையம் ஏறத்தாழ 57 ஆயிரம் பட்டதாரி மாணவர்களை உருவாக்கியுள்ளது என்றார்.

இந்த கல்வி யுத்தம் சாதாரமாணது அல்ல. ஒவ்வொரு மாணவருக்குள் அடங்கி கிடக்கும் ஒரு சக்தியை தட்டியெழுப்பும் தருணத்திற்குரிய கல்வி யுத்தமாகும் என்று ஸ்ரீ முருகன் நிலையத்தின் வட மாநிலங்களுக்கான இயக்குனர் டாக்டர் ஜெ. சுமதி தெரிவித்தார்.

பினாங்கு மாநில ஸ்ரீ முருகன் நிலையத்தின் ஆலோசகரும் எம். சி. பி. எப். அறவாரியத்தின் பினாங்கு மாநில துணைத் தலைவருமான டத்தோஸ்ரீ புழேந்திரன் தமது உரையில் இந்திய சமுதாயத்தின் வளரச்சிக்காக ஸ்ரீ முருகன் நிலையம் போன்ற பல சமுக அமைப்புகள் தொடர்ந்து சேவையை வழங்கி வருவது மகிழ்ச்சியை அளிக்கிறது என்றார்.

இந்த கல்வியுத்த நிகழ்வில் எஸ்.பி.எம். தேர்வில் சாதனை படைத்த மாணவர்களுக்கும், உயர்கல்வியில் சிறந்து விளங்கும் மாணவர்களுக்கும் விருதுகள் வழங்கி கௌரவிக்கப்பட்டனர்.

தங்கள் பிள்ளைகளைப் பட்டதாரிகளாக்கிச் சிறந்த நிலைக்குக் கொண்டு வந்த சுப்பிரமணியம் - வசந்தா தம்பதியினருக்குச் சிறப்புச் செய்யப்பட்டது.

கல்வி யுத்த நிகழ்வின் ஏற்பாட்டுக் குழுத் தலைவர் எல். கிருஷ்ணன் முன்னிலையில் நடைபெற்ற இந்த நிகழ்வில் முன்னாள் துணை அமைச்சர் டத்தோஸ்ரீ எஸ். கே. தேவமணி, நாடாளுமன்ற உறுப்பினர் RSN ராயர் , செனட்டர் டாக்டர் லிங்கேஸ்வரன், பாகான் டாலாம் சட்டமன்ற உறுப்பினர் குமரன் கெல்வின், பினாங்கு மாநில ஊழல் தடுப்பு ஆணையத்தின் இயக்குனர் டத்தோ கருணாநிதி உட்பட பெற்றோர்கள் திரளாக கலந்து கொண்டு சிறப்பித்தனர்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு