​மூக்கின் துவாரத்தில் பால் சிக்கி குழந்தை மரணம்

புட்டிப்பால் குடித்துக்கொண்டு இருந்த போது மூச்சுத்திணறலுக்கு ஆளானதாக நம்பப்படும் 11 மாத பச்சிளம் குழந்தை உயிரிழந்தது. இச்சம்பவம் நேற்று மலாக்கா, அயெர் மொலெக், பொது குடியிருப்புப்பகுதியில் நிக​ழ்ந்தது. குழந்தை பாராமரிப்பாளரின் பாதுகாப்பில் விடப்பட்டிருந்த போது இத்துயரச் சம்பவம் நிகழ்ந்ததாக தம்மை சைடா என்று மட்டுமே அடையாளப்படுத்திக்கொண்ட 35 வயதுடைய அக்குழந்தையின் தாயார் தெரிவித்தார்.

காலை 11 மணியளவில் சுயநி​னைவு இழந்த நிலையில் கிடந்த தமது குழந்தையின் உடல் ​நீலம்பூத்தற்போல் காணப்பட்டதைத் தொடர்ந்து அருகில் உள்ள கிளினிக்கிற்கு கொண்டு சென்றதாகவும் ஆனால் குழந்தை இறந்து விட்டது என்று உறுதி செய்யப்பட்டதாகவும் அந்த மாது தெரிவித்தார். குழந்தையின் மரணத்திற்கான காரணத்தை கண்டறிய தற்போது சவப்பரிசோதனை அறிக்கைக்காக தாங்கள் காத்திருப்பதாக அந்த மாது குறிப்பிட்டார்.