மலேசிய ஏர்லைன்ஸ் விமானம், குறித்த நேரத்தில் சென்னை விமான நிலையத்தை வந்தடையாததால், கோலாலம்பூருக்குத் திரும்ப வேண்டிய 200 க்கும் மேற்பட்ட பயணிகள் கடும் வாக்கு வாதத்தில் ஈடுப்பட்டதால் பெரும் பரபரப்பு ஏற்பட்டது.
சென்னை விமான நிலையத்திலிருந்து கோலாலம்பூருக்கு நேற்று பின்னிரவு 1.45 மணிக்கு, மலேசிய ஏர்லைன்ஸ் விமானம் புறப்பட்டுச் செல்ல வேண்டும். இந்த விமானத்தில் பயணம் செய்ய சுமார் 200 க்கும் மேற்பட்ட பயணிகள் பரிசோதனை அனைத்தும் முடித்து தயார் நிலையில் இருந்தனர். ஆனால், குறிப்பிட்ட நேரத்திற்கு விமானம் புறப்படவில்லை. விமானம் புறப்படுவதற்கு தாமதம் ஏற்படும் என்று மட்டும் அறிவிக்கப்பட்டது.
ஆனால், இன்று காலை 7 மணி வரை விமானம் வராததால் பயணிகள் ஆத்திரம் அடைந்தனர். அவர்கள் மலேசிய ஏர்லைன்ஸ் விமான நிறுவனப் பணியாளர்களிடம் கடும் வாக்கு வாதத்தில் ஈட்டுப்பட்டனர். இதனால், சென்னை விமான நிலையத்தில் பரபரப்பு ஏற்பட்டது.
முன்னதாக, கோலாலம்பூரிலிருந்து நேற்று இரவு 9.45 மணிக்கு சென்னைக்குப் புறப்பட்ட மலேசிய ஏர்லைன்ஸ்க்கு சொந்தமான MH180 விமானம், இயந்திரக் கோளாரினால் மீண்டும் கோலாலம்பூருக்கே திரும்ப வேண்டிய நிலையில், சென்னைக்கான விமானப் பயணம் ரத்து செய்யப்பட்டது என்பது குறிப்பிடத்தக்கது.

இந்த செய்தியை பகிருங்கள்
Share this story with your friends and family
தொடர்புடைய செய்திகள்/ Related News
View all in தற்போதைய செய்திகள் →
பெந்தோங், காராக் பகுதிகளில் திடீர் வெள்ளம்

ஜோகூர் அரசு ஊழியர்களுக்கு இரண்டரை மாதச் சம்பளம் சிறப்பு ஊக்கத்தொகை

வாட்ஸ்அப் குழுச் செய்தியால் மாணவர் மீது மூவர் தாக்குதல்

இசிஆர்எல் ரயில் சேவை தொடக்க விழாவுக்கு போக்குவரத்து அமைச்சர் அவசியமில்லை

ஜோகூர், சிங்கப்பூர் இணைந்து உருவாக்கும் வேலைவாய்ப்புத் திட்டம்: 28 ஆயிரத்திற்கும் மேற்பட்டோருக்கு வேலைவாய்ப்பு


