அந்நியத் தொழிலாளர்களுக்கான தற்காலிக வேலை பெர்மிட் மற்றும் அவர்களை சட்டப்பூர்வமாக வேலைக்கு அமர்த்தும் மறு கட்டமைப்புத் திட்டத்திற்கான அனுமதி சான்றிதல் போன்ற முக்கிய ஆவணங்களை போலியாக தயாரித்து, கொள்ளை லாபம் சம்பாதித்து வந்த கும்பல் ஒன்றை குடிநுழைவுத்துறை முறியடித்துள்ளது.
கடந்த அக்டோபர் 5 ஆம் தேதி ஜோகூர், கெலாங் பத்தா வில் உள்ள ஒரு வளாகத்தில் மேற்கொள்ளப்பட்ட திடீர் சோதனை நடவடிக்கையில் அக்கும்பல் முறியடிக்கப்பட்டுள்ளதாக ஜோகூர் மாநில குடிநுழைவுத்துறை இயக்குநர் பஹாருதீன் தாஹிர் தெரிவித்தார்.
போலி ஆவணங்கள் தயாரிப்புக்கு மூளையாக இருந்து செயல்பட்டு வந்ததாக நம்பப்படும் ஒரு வங்காளதேசப் பிரஜை கைது செய்யப்பட்டுள்ளதாக பஹாருதீன் தாஹிர் குறிப்பிட்டார்.
