Nov 21, 2026
Thisaigal NewsYouTube

சிரம்பானில் RM1.42 மில்லியன் செலவில் மலிவுக் கட்டணத்தில் எலும்பு முறிவு சிகிச்சை மையம்: அமைச்சர் ஸ்டீவன் சிம் அறிவிப்பு

திசைகள் செய்திப்பிரிவு
Share:
சிரம்பானில் RM1.42 மில்லியன் செலவில் மலிவுக் கட்டணத்தில் எலும்பு முறிவு சிகிச்சை மையம்: அமைச்சர் ஸ்டீவன் சிம் அறிவிப்பு

சிரம்பானில் குறைந்த செலவிலான 'ஆக்சிஸ்' எலும்பு முறிவு சிகிச்சை மையம் அமைப்பதற்காக, லிம்கிராஃப்ட் இன்னோவேஷன் நிறுவனத்திற்கு பேங்க் ராக்யாட் 1.42 மில்லியன் ரிங்கிட் நிதியுதவி வழங்கியுள்ளது என்று தொழில்முனைவோர், கூட்டுறவு மேம்பாட்டுத்துறை அமைச்சர் ஸ்டீவன் சிம் தெரிவித்தார்.

எலும்பு அறுவை சிகிச்சை நிபுணர் டாக்டர் ஈஸ்வரன் நடராஜன் முன்னெடுக்கும் இம்மையம், சிகிச்சை மற்றும் அறுவை சிகிச்சை கட்டணங்களை 50 விழுக்காடு வரை குறைத்து வழங்கவுள்ளது. இதன் மூலம் அரசு மருத்துவமனைகளில் நீண்ட காலம் காத்திருப்பது மற்றும் தனியார் மருத்துவமனைகளின் அதிகப்படியான கட்டண சுமைக்கு தீர்வு கிடைக்கும் ஸ்டீவன் சிம் குறிப்பிட்டார்.

நெகிரி செம்பிலான் சட்டமன்றத் தேர்தலையொட்டி இன்று சிரம்பானில் நடைபேற்ற வேட்புமனுத்தாக்கலின் போது. புக்கிட் கெப்பாயாங் சட்டமன்றத் தொகுதியில் மீண்டும் போட்டியிடும் பக்காத்தான் ஹராப்பனைச் சேர்ந்த நிக்கோல் டான் லீ கூனுக்கு ஆதரவு தெரிவிக்க வந்திருந்த போது ஸ்டீவன் சிம் இந்த அறிவிப்பை வெளியிட்டார்.

எலும்பு முறிவு சிகிச்சை மையத்திற்கு ஆண்டுக்கு 4 விழுக்காடு என்ற குறைந்த வட்டி விகிதத்தில், நவீன மருத்துவ உபகரணங்கள் மற்றும் ரோபோடிக் மறுவாழ்வு வசதிகளை வாங்குவதற்காக இந்த நிதியுதவி வழங்கப்பட்டுள்ளதாக ஸ்டீவன் சிம் தெரிவித்தார்.

இதனிடையே அமைச்சர் ஸ்டீவன் சிம் அறிவித்த இந்த சிகிச்சை மையம், ம் நெகிரி செம்பிலான் மக்களுக்கு மிகச்சிறந்த மருத்துவ வாய்ப்பாக அமையும் என புக்கிட் கெப்பாயாங்கில் ஜசெக. சார்பில் பக்காத்தான் ஹராப்பான் வேட்பாளராக போட்டியிடும் நிக்கோல் டான் மகிழ்ச்சி தெரிவித்தார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →