ஒற்றுமை அரசாங்கத்தைக் கவிழ்க்கும் நோக்கில் செயல்பட்டதாக முன்வைக்கப்பட்ட குற்றச்சாட்டைத் துணைப் பிரதமர் டத்தோ ஸ்ரீ அஹ்மாட் ஸாஹிட் ஹாமிடி மறுத்துள்ளார்.
சபா மற்றும் சரவாக் மாநிலங்களில் கிராமப்புற மேம்பாட்டுத் திட்டங்கள் ஒத்திவைக்கப்பட்ட அல்லது ரத்து செய்யப்பட்ட விவகாரம் தொடர்பாகத் தாம் தெரிவித்த கருத்துகள் உண்மையானவை என்றும், அதற்கான அதிகாரப்பூர்வ உத்தரவுக் கடிதத்தை ஆதாரமாகக் காட்டத் தயாராக இருப்பதாகவும் அவர் கூறினார்.
மலாக்கா மாநிலம் ஜாசினில் நடைபெற்ற நிகழ்ச்சிக்குப் பின்னர் செய்தியாளர்களிடம் பேசிய ஸாஹிட் இதனைத் தெரிவித்தார்.
இதற்கு முன்னதாக, ஜெலுத்தோங் நாடாளுமன்ற உறுப்பினர் ஆர்.எஸ்.என். ராயர், டத்தோ ஸ்ரீ அஹ்மாட் ஸாஹிட் ஹாமிடியின் கருத்துகள் ஒற்றுமை அரசாங்கத்திற்குப் பாதிப்பை ஏற்படுத்தும் வகையில் அமைந்துள்ளதாகக் குற்றம் சாட்டியிருந்தார்.
