கொள்ளையிடிக்கும் முயற்சியின் போது பாலியல் பலாத்காரம் செய்யப்பட்டு, கொன்று இருக்கலாம் என்று நம்பப்படும் 5 பிள்ளைகளுக்கு தாயாரான மாது ஒருவரின் உடல், வாழைத் தோப்பு ஒன்றில் கண்டு பிடிக்கப்பட்டது.
உணவகம் ஒன்றில் வேலை செய்து வந்தவரான 36 வயதுடைய அந்த மாதுவின் உடல் நேற்று சபா, லாஹாட் டத்து, கம்போங் பிசாங்கில் கண்டு பிடிக்கப்பட்டது. அரை நிர்வாணக் கோலத்தில் கண்டு பிடிக்கப்பட்ட அந்த மாதுவின் தலையில் பலத்த காயங்கள், கழுத்தில் கீறல்களும் காணப்பட்டன. அந்த மாது அதிகாலை 6.15 மணியளவில் வாழைத்தோப்பு வழியாக வேலைக்கு சென்று கொண்டிருந்த போது அவர் வழிமறிக்கப்பட்டு இருக்கலாம் என்று நம்பப்படுகிறது என்று லாஹட் டத்து மாவட்ட போலீஸ் தலைவர் ஏசிபி ரொஹான் ஷா அஹ்மாட் தெரிவித்தார்.
இச்சம்பவம் குற்றவியல் சட்டம் 302 பிரிவின் கீழ் புலன் விசாரணை செய்யப்பட்டு வருவதாக அவர் மேலும் கூறினார்.
