திரவ மின் சிகரெட் பயன்பாடு கட்டுப்பாட்டில் உள்ளது

கோலாலம்பூர், ஜூன்.02-

உள்ளூர் சந்தையில் திரவ மின் சிகரெட் விற்பனைக்கு அனுமதி அளிக்கப்பட்ட போதிலும், அவ்வகை சிகரெட் இறக்குமதி, உற்பத்தி, தயாரிப்பு, நுகர்வு மற்றும் விநியோகிப்பு நடவடிக்கைகள், பொது சுகாதாரக் கட்டுப்பாட்டுச் சட்டத்தின் கீழ் இன்னமும் கட்டுப்பாட்டில் இருப்பதாக சுகாதார அமைச்சு அறிவித்துள்ளது.

மின் சிகரெட், சட்டவிதி 852, பிரிவு 2 இன் கீழ் புகைப்பிடிக்கும் ஒன்றாகவே சுகாதார அமைச்சு வகைப்படுத்தியுள்ளது. நிக்கோதின், propylene glycol, glycerol மற்றும் Triethylene glycol போன்ற பிற திரவச் சேர்க்கைகளை மின் சிகரெட் உள்ளடக்கியுள்ளது.

எனவே அவ்வகை சிகரெட் , கடும் கட்டுப்பாடுகளுக்கு இடையில் விற்பனை செய்ய அனுமதிக்கப்படுவதாக சுகாதார அமைச்சு தெளிவுபடுத்தியுள்ளது.