முன்னாள் பிரதமர் துன் மகாதீர் முகமது உடல் நலம் குறித்து சமூக வலைத்தளங்களில் பகிரப்பட்டு வரும் தகவல் பொய்யானதாகும் என்று விளக்கம் அளிக்கப்பட்டுள்ளது. கோலாலம்பூர் இருதய சிகச்சை கழகமான IJN- னில் அனுமதிக்கப்பட்டுள்ள 98 வயதான துன் மகாதீருக்கு எதுவும் நேரவில்லை என்றும் அவருக்கு தொடர்ந்து சிகிச்சை அளிக்கப்பட்டு வருகிறது என்றும் விளக்கம் அளிக்கப்பட்டுள்ளது.
இது போன்ற பொய்யான தகவல்களை சமூக வலைத்தளங்களில் பகிர்ந்து கொள்ள வேண்டாம் என்றும், முன்னாள் பிரதமர் சம்பந்தப்பட்ட தகவல்களை பகிர்ந்து கொள்வதில் பொது மக்கள் சற்று எச்சரிக்கையாக இருக்கும்படி வலியுறுத்தப்பட்டுள்ளது.
துன் மகாதீரின் உடல் நிலை குறித்து அதிகாரப்பூர்வமான அறிக்கையை IJNவெளியிடும் என்று தெரிவிக்கப்பட்டுள்ளது. கடந்த ஜனவரி 26 ஆம் தேதி IJN மருத்துவமனையில் அனுமதிக்கப்ப்டட துன் மகாதீர், புனர் சிகிச்சைக்காக ஒரு குறிப்பிட்ட காலத்திற்கு IJN னில் சிகிச்சை பெறும் அதேவேளையில் ஓய்வு எடுக்க வேண்டும் என்று கேட்டுக்கொள்ளப்பட்டுள்ளது.
