Nov 22, 2026
Thisaigal NewsYouTube

2018-க்குப் பிறகு முதன் முறையாக 3.96 நிலையை எட்டியது மலேசிய ரிங்கிட்

திசைகள் செய்திப்பிரிவு
Share:
2018-க்குப் பிறகு முதன் முறையாக 3.96 நிலையை எட்டியது மலேசிய ரிங்கிட்

கோலாலம்பூர், ஜனவரி.26-

அமெரிக்க டாலருக்கு எதிரான மலேசிய ரிங்கிட்டின் மதிப்பு இன்று மாலை வர்த்தக முடிவில் 3 ரிங்கிட் 96 சென்னாக உயர்ந்து புதிய சாதனையைப் படைத்துள்ளது. 2018-ஆம் ஆண்டு மே மாதத்திற்குப் பிறகு, ரிங்கிட் இந்த வலுவான நிலையை எட்டுவது இதுவே முதல் முறையாகும்.

கடந்த வெள்ளிக்கிழமை வர்த்தக முடிவில் 4 ரிங்கிட்டிற்கும் மேலாக இருந்த ரிங்கிட், இன்று ஒரே நாளில் ஒரு விழுக்காட்டிற்கும் மேலாக உயர்ந்து 3 ரிங்கிட் 96 சென் என்ற அளவில் நிலை பெற்றது.

நாட்டின் நிலையான பொருளாதாரக் கொள்கைகள் மற்றும் மலேசிய மத்திய வங்கியான பேங்க் நெகாரா, OPR வட்டி விகிதத்தை 2.75 விழுக்காடாக தக்க வைத்தது முதலீட்டாளர்களிடையே நம்பிக்கையை அதிகரிக்கச் செய்துள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →