மத்திய வங்கியான பேங்க் நெகாரா மலேசியா, நாட்டின் பொருளாதார வளர்ச்சி வலுவாக இருப்பதையும் பணவீக்க நிலை சீராக இருப்பதையும் கருத்தில் கொண்டு, ஓபிஆர் (OPR) எனும் கடன் பெறுவதற்கான கொள்கை வட்டி விகிதத்தை 2.75 விழுக்காட்டிலேயே நிலைநிறுத்தியுள்ளது.
2026ஆம் ஆண்டின் மூன்றாவது காலாண்டில் ஏற்றுமதி மற்றும் உள்நாட்டுத் தேவையின் ஆதரவுடன் மலேசியப் பொருளாதாரம் தொடர்ந்து வலுவாகச் செயல்பட்டுள்ளதாக மத்திய வங்கி தெரிவித்துள்ளது.
இதற்கிடையில், 2027ஆம் ஆண்டில் புவிசார் அரசியல் நிலவரங்கள், உலகளாவிய பொருட்களின் விலை உயர்வு மற்றும் சீரற்ற வானிலை காரணமாகப் பணவீக்கம் அதிகரிக்கக்கூடும் என எதிர்பார்க்கப்படுகிறது.
இருப்பினும், அரசாங்கத்தின் கொள்கை நடவடிக்கைகள் மற்றும் நிலையான உள்நாட்டுத் தேவை காரணமாக பணவீக்கம் கட்டுப்பாட்டுக்குள் இருக்கும் எனவும் மத்திய வங்கி குறிப்பிட்டுள்ளது.
