பிப்ரவரி 1 ஆம் தேதி முதல் MyJPJ அகப்பக்கத்தின் மூலம் மலேசியர்கள் தங்களின் ஓட்டுநர் உரிமம், சாலை வரி போன்றவற்றை இணையத்தளத்தின் வழியே புதுப்பித்துக் கொள்ளலாம்.
இப்புதிய செயல்பாடு பொதுமக்களின் நேரத்தையும் செலவையும் குறைப்பதுடன் சாலைப் போக்குவரத்துத் துறை (JPJ) கவுண்டர்களில் காத்திருக்கும் பணியையும் தவிர்க்க உதவும் என்று போக்குவரத்து அமைச்சர் லொக் சியு ஃபூக் தெரிவித்தார்.
ஓட்டுநர் உரிமம் மற்றும் சாலை வரி ஆகியவை புதுபித்தல் மலேசியர்களுக்கு மட்டுமே முதலில் திறக்கப்படும் என்று லொக் சியு விளக்கினார்.
ஆன்லைன் புதுப்பித்தல் பயன்பாட்டை ஊக்குவிக்கும் வகையில் டிஜிட்டல் முறையில் ஓட்டுநர் உரிமத்தைப் புதுப்பிப்பவர்களுக்கு அரசாங்கம் 5 விழுக்காடு கழிவு கட்டணம் வழங்கப்படவுள்ளதாக லொக் சியு அறிவித்தார்.
