அம்பலப்படுத்தினார் உள்துறை அமைச்சர்

அரிய மண் கனிம வள சட்டவிரோத சுரங்க நடவடிக்கையில் தாம் சம்பந்தப்படவில்லை என்றும் அதில் ஈடுப்பட்டதாக கூறப்படும் சீன நாட்டுப்பிரஜைகளுடன் தமக்கு தொடர்பு இல்லை என்றும்கெடா மந்திரிபெசார் முகமட் சனூசி முகமட் நூர் வாதிட்டப்போதிலும் அதற்கான ஆதாரங்களை உள்துறை அமைச்சர் டத்தோ ஶ்ரீ சைபுதீன் நசுஷன் இஸ்மாயில் இன்று வெளியிட்டு, வெட்ட வெளிச்சமாக்கி உள்ளார்.

இந்த சட்டவிரோத சுரங்க நடவடிக்கையில் சம்பந்தப்பட்டு உள்ளாதாக கூறப்படும் சீன நாட்டு பிரஜை, ஒரு நிகழ்வில் மந்திரிபெசார் சனூசியுடன் மிக நெருக்கமாக இருக்கும் காட்சியை கொண்ட புகைப்படம் ஒன்றை அமைச்சர் சைபுதீன் வெளியிட்டு, பெரும் பரபரப்பை ஏற்ப்படுத்தி இருக்கிறார்.
சோ லோய் ஃபாட் என்று அடையாளம் கூறப்பட்ட அந்த சீன நாட்டுப் பிரஜைப் தமக்கு யாரேன்று தெரியாது என்றும், அவரை இதற்கு முன்பு தாம் பார்த்ததும் இல்லை என்றும் சனூசி கூறுகிறார்.

அப்படியென்றால் இருவரும் உரையாடி கொண்டிருக்கும் அந்தப் புகைப்படத்தில் இருப்பவர்கள் யாரென்று சைபுதீன் வினவினார்.