கோலாலம்பூர், ஏப்ரல்.26-
மலேசியாவில் தற்போது நிலவி வரும் வெப்பமான வானிலை வரும் ஜூன் மாதம் வரை நீடிக்கும் என்று மலேசிய வானிலை ஆய்வு மையமான மெட்மலேசியா எச்சரிக்கை விடுத்துள்ளது. தற்போதைய பருவமழை மாற்றக் காலத்தினால் ஏற்படும் மழையானது தற்காலிகமான குளிர்ச்சியை மட்டுமே தரும் என்பதால், மக்கள் அதிகப்படியான நீர் அருந்துவதுடன் வெளிப்புற நடவடிக்கைகளைக் குறைத்துக் கொள்ளுமாறு அறிவுறுத்தப்படுகிறார்கள்.
இதுவரை வெப்பம் தொடர்பான பாதிப்புகளால் நாடு முழுவதும் 41 சம்பவங்கள் பதிவாகியுள்ள நிலையில், உடல்நலத்தைப் பேணுவதில் பொதுமக்கள் மிகுந்த கவனத்துடன் இருக்குமாறு கேட்டுக் கொள்ளப்படுகிறார்கள்.
