கூலிம், கூலிம் ஹை டெக் தொழிற்சாலையில் 3.65 மீட்டர் ஆழமுள்ள தொட்டியில் விழுந்ததில் அந்நிய தொழிலாளர் ஒருவருக்கு கால் மற்றும் தோள்பட்டையில் முறிவு ஏற்பட்டது.
நேற்று இரவு 8.58 மணியளவில் கிடைக்க பெற்ற அவசர அழைப்பினை தொடர்ந்து அவ்விடத்திற்கு விரைந்ததாக கூலிம் ஹை டெக், தீயணைப்பு தலைவர் அஸ்மிர் ஹாசன் தெரிவித்தார்.
மூத்த தீயணைப்பு அதிகாரி மட் புவாட் கசாலி மற்றும் அவரின் தலைமையிலான ஏழு உறுப்பினர்கள் உட்பட கூலிம் தீயணைப்பு, மீட்புபடை நிலையத்திலிருந்து இரண்டு பேர் ஆகியோர் சம்பவ இடத்திற்கு சென்றதாக அஸ்மிர் ஹாசன் கூறினார்.
சம்பவ இடத்தில் 25 வயதுடைய வங்காளதேச பணியாளர் ஒருவர் கால் மற்றும் தோள்பட்டை முறிவு ஏற்பட்டு தொட்டியில் விழுந்து இருப்பது கண்டறியப்பட்டதாக அவர் குறிப்பிட்டார்.
பாதிக்கப்பட்ட அந்நபர் மருத்துவ பரிசோதனைக்காக கூலிம் மருத்துவமனைக்கு கொண்டு செல்லப்பட்டதாக அஸ்மிர் ஹாசன் நேற்று ஓர் அறிக்கையில் விவரித்தார்.
