மனிதக் கடத்தல் குற்றச்சாட்டுகளை எதிர்நோக்கியுள்ள கணவன், மனைவி மற்றும் அவர்களது மகன் ஆகிய மூவருக்கும் அலோர் ஸ்டார் செஷன்ஸ் நீதிமன்றம் தலா 80 ஆயிரம் ரிங்கிட் பிணை வழங்கியுள்ளது.

59 வயதுடைய கணவன், மனைவி மற்றும் அவர்களது 31 வயது மகன் ஆகியோர், மனிதக் கடத்தல் மற்றும் குடியேறிகள் கடத்தல் தடுப்புச் சட்டம் 2007இன் பிரிவு 12இன் கீழ் மொத்தம் 16 குற்றச்சாட்டுகளை எதிர்கொண்டுள்ளனர்.
நீதிபதி ஷார்மிலா அப்துல் சமாட் முன்னிலையில் நடைபெற்ற விசாரணையில், வழக்கு மீண்டும் டிசம்பர் 20ஆம் தேதி விசாரணைக்கு வருவதற்குத் தீர்மானிக்கப்பட்டது.

கடந்த நவம்பர் 10ஆம் தேதி அலோர் ஸ்டாரில் குடிநுழைவுத் துறை மேற்கொண்ட ஓப் பிந்து நடவடிக்கையில், மனிதக் கடத்தலுக்கு ஆளானதாகச் சந்தேகிக்கப்படும் இந்தோனேசியாவைச் சேர்ந்த 16 பெண்கள் மீட்கப்பட்டனர்.
அப்போது 33 இந்தோனேசிய கடப்பிதழ்கள் மற்றும் 122 ஆயிரத்து 598 ரிங்கிட் ரொக்கமும் இரண்டு வாகனங்களும் பறிமுதல் செய்யப்பட்டன.








