மலேசியச் சந்தையில் நுழையும் வெளிநாட்டு நிறுவனங்களின் பொருட்கள் மற்றும் வணிகச் செயல்பாடுகளைக் கட்டுப்படுத்தும் அமலாக்க நடவடிக்கைகளை ஒருங்கிணைப்பது குறித்து அரசு ஆராயவுள்ளது.
துணைப் பிரதமர் டத்தோ ஸ்ரீ ஃபாடில்லா யூசோஃப் தலைமையில் நடைபெற்ற உள்ளூர் பொருட்களை வாங்குவதையும் பயன்படுத்துவதையும் வலுப்படுத்தும் அமைச்சரவைக் குழுக் கூட்டத்தில் இது குறித்து விவாதிக்கப்பட்டது.
உள்ளூர் சிறு, குறு மற்றும் நடுத்தர நிறுவனங்கள், குறிப்பாக வேகமாக வளர்ந்து வரும் இணையவழி வர்த்தகத்தில் எதிர்கொள்ளும் போட்டியைக் கருத்தில் கொண்டு, முதலீடு, வர்த்தகம் மற்றும் தொழில்துறை அமைச்சும் நிதி அமைச்சும் இணைந்து இதனை ஆராயவுள்ளன.
மேலும், உள்ளூர் பொருட்களை ஊக்குவிக்கும் ‘ஜோம் மலேசியா’ திட்டத்திற்காக 2027 வரவு செலவுத் திட்டத்தில் 10 மில்லியன் ரிங்கிட் ஒதுக்கப்படுவதாகப் பிரதமர் அன்வார் இப்ராஹிம் அறிவித்ததையும் ஃபாடில்லா சுட்டிக் காட்டினார்.
