ஜோகூர் மக்களின் நலனுக்காகச் சுகாதாரத்துறையை வலுப்படுத்த வேண்டும் என்ற ஜோகூர் துங்கு மஹ்கோத்தா இஸ்மாயில் அவர்களின் கட்டளைக்கு இணங்க, மந்திரி பெசார் Onn Hafiz Ghazi பாசிர் கூடாங் மருத்துவமனையின் தற்போதைய செயல்பாடுகளை நேரில் பார்வையிட்டு ஆய்வு செய்தார்.
நவீன வசதிகள் மற்றும் பல்வேறு மருத்துவ நிபுணத்துவப் பிரிவுகளைக் கொண்டிருந்த போதிலும், போதிய பணியாளர்கள் இல்லாததால் இந்த மருத்துவமனை இன்னும் முழுத் திறனுடன் இயங்கவில்லை என்று Onn Hafiz Ghazi கூறினார். மருத்துவமனைக்கு ஒதுக்கப்பட்ட மொத்த 2,271 பணியிடங்களில், 1,079 இடங்கள் மட்டுமே நிரப்பப்பட்டுள்ளன; 1,192 மருத்துவ நிபுணர்கள், தாதியர்கள் மற்றும் சுகாதாரப் பணியாளர்களின் இடங்கள் இன்னும் காலியாக உள்ளன.
குழந்தை மருத்துவம், மகப்பேறியல், மயக்கவியல் மற்றும் எலும்பியல் உள்ளிட்ட பல துறைகளைக் கொண்ட இந்த மருத்துவமனை, மற்ற மருத்துவமனைகளின் சுமையைக் குறைக்க பெரிதும் உதவும். எனவே, இந்தப் பணியிடங்களை விரைவாக நிரப்ப சுகாதார அமைச்சுக்கு Onn Hafiz Ghazi அவசர கோரிக்கை விடுத்துள்ளார்.
