Nov 20, 2026
Thisaigal NewsYouTube

உறவினர் வெறிச்செயல்: 5 வயது சிறுமி ஆற்றில் வீசப்பட்டு உயிரிழப்பு

திசைகள் செய்திப்பிரிவு
Share:
உறவினர் வெறிச்செயல்: 5 வயது சிறுமி ஆற்றில் வீசப்பட்டு உயிரிழப்பு

ஜோகூர் மாநிலம் கோத்தா திங்கி, கம்போங் பாடாங் பகுதியில் 5 வயது சிறுமி ஒருவர் தனது உறவினரால் ஆற்றில் வீசப்பட்டு உயிரிழந்ததாக நம்பப்படுகின்றது.

நேற்று காலை அப்பகுதியில், 37 வயது ஆடவர் ஒருவர் பாடாங் எனப்படும் நீளமான கத்தியுடன் 40 வயது ஆடவர் ஒருவரைத் துரத்திச் சென்றதாக போலீசாருக்கு முதலில் தகவல் கிடைத்துள்ளது.

இந்த சம்பவத்திற்கு முன்னதாக சந்தேக நபர் அச்சிறுமியை ஆற்றில் வீசியிருக்கலாம் என கோத்தா திங்கி மாவட்ட போலீஸ் தலைவர் யுசோஃப் ஒத்மான் தெரிவித்துள்ளார்.

இந்நிலையில், சம்பவ இடத்திற்கு விரைந்த போலீசார், அந்நபரைக் கைது செய்துள்ளனர்.

இதனிடையே, உயிரிழந்த சிறுமியின் உடலானது பிரேதப் பரிசோதனைக்காக பாசீர் கூடாங் மருத்துவமனைக்கு அனுப்பி வைக்கப்பட உள்ளது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →