பெட்டாலிங் ஜெயா, கோத்தா டாமன்சாராவில் இரவு நேர வர்த்தக சந்தையான அப்ட்வுன்னில் நிகழ்ந்த தீ விபத்தில் 20 கடைகள் தீயில் அழிந்தன. இந்த சம்பவம் நேற்று இரவு 8.30 மணியளவில் நிகழ்ந்தது. இச்சம்பவம் தொடர்பாக ஓர் அவசர அழைப்பை இரவு 8.34 மணியளவில் தாங்கள் பெற்றதாக சிலாங்கூர் மாநில தீயணைப்பு, மீட்புப் படை இலாகா பேச்சாளர் ஒருவர் தெரிவித்தார்.
இத்தீபவத்தில் யாரும் காயம் அடையவில்லை என்றாலும் கடைகளின் பொருட்கள் 90 விழுக்காடு சேதமுற்றதாக அவர் குறிப்பிட்டார்.
சுங்ஙை பூலோ, கோத்தா எங்கெரிக், டமான்சாரா ஆகிய மூன்று நிலையங்களிலிருந்து வந்த தீயணைப்பு வண்டிகளின் 20 க்கும் மேற்பட்ட வீரர்கள், தீ மற்ற கடைகளுக்கு பரவாமல் சுமார் ஒரு மணி நேரத்தில் கட்டுப்படுத்தியதாக அப்பேச்சாளர் குறிப்பிட்டார்.
