புருவாஸ் நாடாளுமன்ற உறுப்பினரும், பேரா மாநில DAP ஆலோசகருமான Ngeh Koo Ham வீட்டில் நடத்தப்பட்ட பெட்ரோல் குண்டு வீச்சு தாக்குதல் தொடர்பில் ஆடவர் ஒருவரை போலீசார் கைது செய்துள்ளனர்.
கடந்த புதன்கிழமை அதிகாலையில் பேரா, Manjung, Ayer Tawar, Taman Semarak Jaya- வில் உள்ள Ngeh Koo Ham இல்லத்தில் நடத்தப்பட்ட இந்த பெட்ரோல் குண்டு வீச்சு தாக்குதல் தொடர்பாக போலீசார் தீவிர புலன் விசாரணை செய்து வந்தனர்.
இந்நிலையில் 30 வயது மதிக்கத்தக்க ஆடவர் ஒருவர் , இன்று அதிகாலை 4 மணியளவில் ஷா ஆலமில் கைது செய்யப்பட்டதாக பேரா மாநில போலீஸ் தலைவர் Datuk seri Mohd Yusri Hassan தெரிவித்தார்.பிடிபட்ட நபருக்கு முந்தைய குற்றப்பதிவு எதுவும் இல்லை என்று அவர் குறிப்பிட்டார். இந்த பெட்ரோல் குண்டு வீச்சு தாக்குதலில் Ngeh Koo Ham மிற்கு சொந்தமான மூன்று கார்கள் சேதமடைந்தன.
