மியன்மார் நாட்டைச் சேர்ந்த தடுப்புக்காவல் கைதிகளை நாடு திருப்பி அனுப்பும் நடவடிக்கை, கடுமையான சோதனைகளுடனும் மனித மரியாதையைப் பாதுகாக்கும் வகையிலும் மேற்கொள்ளப்படுவதாக உள்துறை அமைச்சு தெரிவித்துள்ளது.
ஒவ்வொருவரின் குடியுரிமை உறுதி, ஆவணங்கள், உடல்நிலை மற்றும் அடையாளம் ஆகியவை முழுமையாகச் சரிபார்க்கப்படுகின்றன. அவர்களின் பெயர்ப்பட்டியலை மியன்மார் அரசாங்கம் உறுதிப்படுத்திய பின்னரே மலேசியாவுக்கு அனுப்பியதாகவும் அமைச்சு கூறியது.
கடந்த செப்டம்பர் 29ஆம் தேதி முதல் கட்டமாக, நாடு முழுவதும் உள்ள 14 குடிநுழைவுத் தடுப்பு முகாம்களைச் சேர்ந்த 1,476 மியன்மார் நாட்டினர், மியன்மார் கடற்படையின் மூன்று கப்பல்கள் மூலம் நாடு திருப்பி அனுப்பப்பட்டனர். 2026ஆம் ஆண்டு முழுவதும் 5,000 மியன்மார் நாட்டினரை ஏற்றுக் கொள்ள அந்நாட்டு அரசாங்கம் ஒப்புக் கொண்டுள்ள நிலையில், இரண்டாம் கட்டமாக மேலும் 3,524 பேர் தன்னார்வ அடிப்படையில் திருப்பி அனுப்பப்பட உள்ளனர் என்று உள்துறை அமைச்சு விளக்கியது.
