மலாக்கா,ஆகஸ்ட் 03-
மலாக்கா, Rembia சட்டமன்ற உறுப்பினர் Muhammad Jailani Khamis, அம்னோவிலிருந்து விலகி, பாஸ் கட்சியில் இணைந்தது தொடர்பில் அவரிடமிருந்து இழப்பீடு கோரும் L.O.D. கடிதம், அந்த கட்சித் தாவிக்கு அனுப்பப்பட்டு விட்டதாக அம்னோ தலைவர் டத்தோஸ்ரீ அகமட் ஜாஹிட் ஹமிடி தெரிவித்தார்.
அம்னோவின் நடப்பு கருத்திணக்க ஒப்பந்தத்தின்படி மக்களால் தேர்ந்தெடுக்கப்பட்ட கட்சியைச் சேர்ந்த ஒருவர், கட்சிவிட்டு, கட்சித் தாவுவாரேயானால், கட்சிக்கு ஏற்பட்டுள்ள பாதிப்பை ஈடுகட்டுவதற்கு அவர் 10 கோடி வெள்ளியை இழப்பீடாக வழங்க வேண்டும்.
இந்த இழப்பீட்டுத் தொகையை கோருவதற்கு தொடக்க கட்ட நடவடிக்கையாக Rembia சட்டமன்ற உறுப்பினர் Muhammad Jailani Khamis- ஸிற்கு L.O.D. கடிதத்தை அம்னோ
அனுப்பியுள்ளதாக அகமட் ஜாஹிட் இன்று தெளிவுபடுத்தினார்.
