புதிய கல்வியாண்டு தொடங்கும் போது, மாணவர்களுக்கு கல்வி அமைச்சு வழங்கி வரும் ஆயத்த நிதி உதவித் திட்டம் வருகின்ற ஆண்டிலும் நடைமுறைப்படுத்தப்படவிருக்கிறது என்று கல்வி அமைச்சு விளக்கம் அளித்துள்ளது.
கடந்த வெள்ளிக்கிழமை நாடாளுமன்றத்தில் பிரதமர் டத்தோஸ்ரீ அன்வார் தாக்கல் செய்த 2024 ஆம் ஆண்டுக்கான பட்ஜெட்டில் மாணவர்களுக்கான ஆயத்த நிதி உதவி திட்டம் இல்லை என்று பரவலாக புகார்கள் எழுந்து வரும் வேளையில் கல்வி அமைச்சு இந்த விளக்கத்தை தந்துள்ளது.
மாணவர்களுக்காக 78 கோடியே 81 லட்சத்து 30 ஆயிரம் வெள்ளி நிதி ஒதுக்கீடு செய்யப்பட்டுள்ளது. வருகின்ற 2024 கல்வியாண்டு தொடங்கப்படும் போது இந்த நிதி உதவி மாணவர்களுக்கு வழங்கப்படும் என்ற அது தெளிவுபடுத்தியுள்ளது.
