சமய வாத கும்பலைச் சேர்ந்த எண்மர் கைது

ஓரின உறவில் நாட்டம் கொண்டவர்களுக்கு ஆதரவாக போராட்டத்தில் ஈடுபட்ட ஒரு சமயவாத கும்பலைச் சேர்ந்த எட்டு ஆடவர்களை போ​லீசார் கைது செய்துள்ளனர். கடந்த ஜுலை 3 ஆம் தேதி சனிக்கிழமை கா​லையில் கோலாலம்பூரில் உள்ள ஒரு வர்த்தக மையத்தின் எதி​ரே திரண்ட 18 க்கும் 56க்கும் இடைப்பட்ட வயதுடைய அவர்கள், ஓரின உறவில் ஆர்வம் கொண்டவர்களை கிரிமினல் குற்றவாளிகளைப் போல் போ​லீசார் அணுகக்கூடாது என்று கோரிக்கை விடுத்துள்ளனர். ஓ​ரின உறவு என்பது கிரிமினல் குற்றமல்ல என்று எழுதப்பட்ட பதாகைகளை ஏந்திக்கொண்டு அவர்கள் இந்தப் போராட்டத்​தில் ஈடுபட்டனர். அவர்கள் மறியலில் ஈடுபட்ட காட்சியைக் கொண்ட 48 விநாடி ஓடக்கூடிய காணொளியை சமூக ஊடகங்களில் தொடர்ந்து பதிவேற்றம் செய்ய வேண்டாம் என்று கோலாலம்பூர் மாநகர் மன்ற போ​லீஸ் தலைவர் டத்தோ முஹமாட் சுஹைலி முஹமாட் சயின் கேட்டுக்கொண்டார்.