கோல திரங்கானு, நவம்பர்.30-
வடகிழக்கு பருவமழை காலத்தில் ஒரே நேரத்தில் பல மாநிலங்களில் வெள்ளம் ஏற்பட்டாலும், அதனைச் சமாளிக்கப் போதுமான வீரர்கள், உபகரணங்கள் இருப்பதாக மலேசியத் தீயணைப்பு - மீட்புத் துறை உறுதிப்படுத்தியுள்ளது. நிலைமை மோசமடைந்தால், மீட்புப் பணிகளுக்கு உதவ, தற்போதுள்ள 12 மணிநேரப் பணிச் சுழற்சியை 24 மணி நேரமாக நீட்டிக்கத் தயாராக இருப்பதாகத் தீயணைப்பு - மீட்புப் பிரிவு இயக்குநர் நோர்சின் பௌஸி தெரிவித்தார்.
வெள்ளத்தின் முதல் அலை தற்போது தொடக்கக் கட்டத்தில் இருப்பதாகவும், இரண்டாவது அலை டிசம்பர் இரண்டாவது வாரத்தில் எதிர்பார்க்கப்படுவதாகவும் அவர் தெரிவித்தார். மீட்புப் பணிகளும் அதற்கான ஆயத்தங்கள் அனைத்தும் போதிய அளவில் இருப்பதாகவும், அனைத்து முகவர் அமைப்புகளும் இணைந்து செயல்படுவதை உறுதிச் செய்ய பேரிடர் நடவடிக்கைக் கட்டுப்பாட்டு மையம் மூலம் அவை ஒருங்கிணைக்கப்படுவதாகவும் அவர் தெரிவித்தார்.
