அம்னோ மீண்டும் பாஸ் கட்சியுடன் அரசியல் கூட்டணி வைத்தால், அது வெறும் துணைப் பாத்திரமாகவோ அல்லது இரண்டாவது தேர்வாகவோ மட்டுமே இருக்க முடியும் என்று இல்ஹாம் மையத்தின் தலைமை ஆய்வாளர் யுஸ்ரீ இப்ராகிம் தெரிவித்துள்ளார்.
இரு கட்சிகளும் ஒரே மலாய் வாக்காளர்களை இலக்கு வைப்பதால் இக்கூட்டணி அம்னோவிற்கு லாபகரமாக இருக்காது என்றும், தற்போது மலாய் மக்களின் ஆதரவில் அம்னோவை விட பாஸ் கட்சி வெகுதூரம் முன்னிலையில் உள்ளதாகவும் அவர் குறிப்பிட்டுள்ளார்.
இருப்பினும், பொருளாதார மேம்பாடு மற்றும் இஸ்லாமிய விஷயங்கள் போன்ற பொதுவான கொள்கைகளில் இரு கட்சிகளும் இணைந்து செயல்படலாம் என்று அவர் கூறியுள்ளார்.
இதற்கிடையில், பாஸ் கட்சியுடனான முவாஃபகாட் நேஷனல் கூட்டணியை மீண்டும் உயிர்ப்பிக்கும் வாய்ப்பை அம்னோ தலைவர் டத்தோஸ்ரீ அகமட் ஜாஹிட் ஏற்கனவே நிராகரித்துள்ளார் என்பது குறிப்பிடத்தக்கது.
