ஜோகூர், பத்து பஹாட் கடற்பகுதியில் இன்று மாலை 4.55 மணிக்கு 4.4 ரிக்டர் அளவில் நிலநடுக்கம் ஏற்பட்டுள்ளது.
நிலநடுக்கத்தின் அதிர்வுகள் பத்து பஹாட் மாவட்டத்திலும் அதைச் சுற்றியுள்ள பகுதிகளிலும் உணரப்பட்டதாக மலேசிய வானிலை ஆய்வு மையமான மெட்மலேசியா தெரிவித்துள்ளது.
நிலநடுக்கத்தின் மையப் பகுதி பத்து பஹாட்டிலிருந்து 27 கிலோமீட்டர் தென்மேற்கே, 10 கிலோமீட்டர் ஆழத்தில் பதிவாகியுள்ளது.
நிலைமையைத் தொடர்ந்து கண்காணித்து வருவதாக மெட்மலேசியா தெரிவித்துள்ளது.
தீபகற்ப மலேசியாவில் நிலப் பிளவுகளால் உள்ளூர் நிலநடுக்கங்கள் ஏற்படக்கூடும் என்றும், மேற்குக் கடற்கரையில் உணரப்படும் சில அதிர்வுகள் சுமத்ரா மற்றும் அந்தமான் கடல் பகுதிகளில் ஏற்படும் பெரிய நிலநடுக்கங்களாலும் உருவாகலாம் என்றும் அந்த மையம் குறிப்பிட்டுள்ளது.
