Nov 20, 2026
Thisaigal NewsYouTube

9 ஆண்டுகளுக்குப் பிறகு திறக்கப்பட்ட பினாங்கு மாநில அருங்காட்சியகம்

திசைகள் செய்திப்பிரிவு
Share:
9 ஆண்டுகளுக்குப் பிறகு திறக்கப்பட்ட பினாங்கு மாநில அருங்காட்சியகம்

சுமார் 9 ஆண்டுகளாக சீரமைப்பு மற்றும் மேம்பாட்டுப் பணிகளுக்காக மூடப்பட்டிருந்த பினாங்கு மாநில அருங்காட்சியகம் இன்று முதல் பொதுமக்களின் பார்வைக்காக மீண்டும் திறக்கப்படுகின்றது.

18 மில்லியன் ரிங்கிட் செலவில் மேற்கொள்ளப்பட்ட சீரமைப்புப் பணிகள் நிறைவடைந்த நிலையில், வரும் ஆகஸ்ட் 31 வரை இலவச அனுமதி வழங்கப்படவுள்ளது.

ஃபார்ஹார் தெரு-இல் அமைந்துள்ள இந்த பாரம்பரியக் கட்டிட அருங்காட்சியகத்தில் தற்போது பினாங்கு மாநிலத்தின் வரலாறு, கலாசாரம் மற்றும் பாரம்பரியத்தை எடுத்துக்கூறும் சுமார் 1,200 அரிய பொருட்கள் 15 காட்சியகங்களில் இடம்பெற்றுள்ளன.

மேலும், இரண்டாம் உலகப் போரில் குண்டுவீச்சால் சேதமடைந்த கட்டிடப் பகுதியின் சுவடுகளும் காட்சிப்படுத்தப்பட்டுள்ளன.

சனிக்கிழமை முதல் வியாழக்கிழமை வரை, காலை 9 மணி முதல் மாலை 5 மணி வரை இந்த அருங்காட்சியகம் செயல்படும்.

ஆகஸ்ட் 31-ஆம் தேதிக்குப் பிறகு நுழைவுக் கட்டணம் வசூலிக்கப்படும் என்று அதிகாரிகள் தெரிவித்துள்ளனர்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →