Nov 22, 2026
Thisaigal NewsYouTube

இளம் வீரர் இந்திரன் மரணம்: வதந்திகளைத் தவிர்க்குமாறு தற்காப்பு அமைச்சர் வேண்டுகோள்

திசைகள் செய்திப்பிரிவு
Share:
இளம் வீரர் இந்திரன் மரணம்: வதந்திகளைத் தவிர்க்குமாறு தற்காப்பு அமைச்சர்  வேண்டுகோள்

கோலாலம்பூர், பிப்ரவரி.21-

குவாந்தான் ராணுவ முகாமில் மயக்கமடைந்த நிலையில் மீட்கப்பட்டு உயிரிழந்த இளம் வீரர் கே. இந்திரனின் மரணத்தில், சித்ரவதை அல்லது துன்புறுத்தல்கள் நடந்ததற்கான எந்தவொரு தடயமும் கண்டறியப்படவில்லை என தற்காப்புத் துறை அமைச்சர் டத்தோ ஶ்ரீ காலிட் நோர்டின் தெரிவித்துள்ளார்.

இன்று காலை மேற்கொள்ளப்பட்ட பிரேதப் பரிசோதனை அறிக்கையின் அடிப்படையில் இதனை உறுதிப்படுத்திய அவர், இந்த விவகாரத்தை யாரும் அரசியலாக்க வேண்டாம் என்றும், முழுமையான விசாரணை முடியும் வரை பொறுமை காக்குமாறும் கேட்டுக் கொண்டார்.

தேவைப்பட்டால், இது குறித்து விசாரிக்கத் தனிக்குழு அமைக்கப்படும் என்றும் ஜோகூர், பாசீர் கூடாங் நாடாளுமன்றத் தொகுதியில் பள்ளி மாணவர்களுக்கு உதவி வழங்கும் நிகழ்விற்குப் பின் அவர் செய்தியாளர்களிடம் கூறினார்.

அதே வேளையில், தனது மகனின் மரணம் குறித்துத் தவறான வதந்திகளைப் பரப்பி ராணுவத்தின் பெயருக்குக் களங்கம் விளைவிக்க வேண்டாம் என இந்திரனின் தாயாரான 52 வயது எஸ். உஷா உருக்கமாகக் கேட்டுக் கொண்டார்.

பினாங்கில் உள்ள தனது இல்லத்தில் செய்தியாளர்களிடம் பேசிய அவர், "எனது மகன் துன்புறுத்தப்பட்டதாக வந்த செய்திகள் என்னைப் பதற்றமடையச் செய்தன, ஆனால் பிரேதப் பரிசோதனையில் அவரது உடலில் எவ்வித காயங்களும் இல்லை என்பது உறுதியாகியுள்ளது. அவன் சித்ரவதை செய்யப்படவில்லை," என்று தெரிவித்தார். மரணத்திற்கான உண்மையான காரணத்தைக் கண்டறியும் உட்புறப் பரிசோதனைகள் இன்னும் 3 முதல் 4 மாதங்கள் வரை எடுக்கும் என்பதால், அதுவரை பொதுமக்கள் தன்னிச்சையாகக் கருத்துகள் கூறுவதைத் தவிர்க்க வேண்டும் என்றும் அவர் வலியுறுத்தினார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு