Nov 22, 2026
Thisaigal NewsYouTube

தடுப்புக் காவலில் ஸம்ரி வினோத்திற்குச் சிறப்பு உபசரிப்பா? நாடாளுமன்றத்தில் வீ. கணபதிராவ் கடும் கண்டனம்

திசைகள் செய்திப்பிரிவு
Share:
தடுப்புக் காவலில் ஸம்ரி வினோத்திற்குச் சிறப்பு உபசரிப்பா? நாடாளுமன்றத்தில் வீ. கணபதிராவ் கடும் கண்டனம்

கோலாலம்பூர், பிப்ரவரி.10-

சர்ச்சைக்குரிய சமயப் போதகர் ஸம்ரி வினோத் கைது செய்யப்பட்டுத் தடுப்புக் காவலில் இருந்த போது, அவருக்கு மேசையில் உணவு பரிமாறப்பட்ட புகைப்படம் சமூக வலைதளங்களில் வைரலாகி பெரும் சர்ச்சையை ஏற்படுத்தியுள்ளது.

இந்து மதத்தைத் தொடர்ந்து இழிவுபடுத்தி வரும் ஒரு நபருக்கு, காவல் நிலையத்தில் அரச மலேசிய போலீஸ் படை இத்தகைய சிறப்பு உபசரிப்பை வழங்கியது ஏன் என கிள்ளான் நாடாளுமன்ற உறுப்பினர் வீ. கணபதிராவ் நாடாளுமன்றத்தில் கேள்வி எழுப்பினார்.

தாம் பலமுறை அரசியல் போராட்டங்களுக்காகத் தடுப்புக் காவலில் இருந்த போது, தமக்கு ஒரு போதும் இத்தகைய வசதிகள் செய்து தரப்பட்டதில்லை என்று சுட்டிக் காட்டிய கணபதிராவ், ஸம்ரி வினோத்திற்கு மட்டும் ஏன் இந்தச் சலுகை என்று தனது அதிருப்தியைப் பதிவு செய்தார்.

இதற்குப் பதிலளித்த உள்துறை அமைச்சர் டத்தோ ஶ்ரீ சைஃபுடின் நசுத்தியோன் இஸ்மாயில், அந்தப் புகைப்படத்தைப் பார்ப்பவர்களின் கோணத்தைப் பொறுத்தே அதன் அர்த்தம் அமையும் என்றும், இது குறித்த விவாதங்களுக்குள் தாம் நுழைய விரும்பவில்லை என்றும் கூறி விளக்கமளித்தார்.

இருப்பினும், சட்டத்தின் முன் அனைவரும் சமம் என்ற அடிப்படையில், ஒரு குற்றச்சாட்டுக்கு உள்ளான நபர் காவல்துறை மட்டத்தில் இத்தகைய சிறப்புச் சலுகைகளைப் பெறுவது பொதுமக்களிடையே பெரும் அதிருப்தியை ஏற்படுத்தியுள்ளது.

இந்த விவகாரத்தில் சட்ட நடைமுறைகள் எவ்வித பாரபட்சமுமின்றி முறையாகப் பின்பற்றப்படுவதையும், ஒரு குறிப்பிட்ட நபருக்கு மட்டும் 'சிறப்பு கவனிப்பு' வழங்கப்படுவதைத் தவிர்க்கவும் உள்துறை அமைச்சு உரிய நடவடிக்கை எடுக்க வேண்டும் என வீ. கணபதிராவ் வலியுறுத்தினார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

தடுப்புக் காவலில் ஸம்ரி வினோத்திற்குச் சிறப்பு உபசரிப்பா?... | Thisaigal News