ஜோகூர் பாருவில் லாரி திருட்டு, ஆபத்தான முறையில் வாகனம் ஓட்டியது, போதைப்பொருள் வைத்திருந்தது, போலீஸ்காரரைத் தடுத்தது மற்றும் கொலை முயற்சி உள்ளிட்ட பல்வேறு குற்றச்சாட்டுகளில் இருவர் மீது இன்று தனித்தனி நீதிமன்றங்களில் குற்றஞ்சாட்டப்பட்டது.
37 வயது நிறுவன இயக்குநரான சாய் மின் குவான், பிளாஸ்டிக் தொழிற்சாலை ஊழியரான 39 வயது லோ பூன் லாய் ஆகிய இருவரும் நீதிமன்றத்தில் நிறுத்தப்பட்டு குற்றச்சாட்டு வாசிக்கப்பட்டது.
கடந்த செப்டம்பர் 30ஆம் தேதி மாசாய், தாமான் பெரிண்டுஸ்ரியான் பிளேந்தோங் பகுதியில் பெட்ரோல் நிலையத்தில் CD45 ரக லாரியை இருவரும் கூட்டாகத் திருடியதாக குற்றஞ்சாட்டப்பட்டது.
லோ பூன் லாய் மீது ஆபத்தான முறையில் வாகனம் ஓட்டியது, போலீஸ்காரரைத் தடுத்தது மற்றும் 0.7 கிராம் மெத்தாம்பெத்தமின் வைத்திருந்தது உள்ளிட்ட மேலும் மூன்று குற்றச்சாட்டுகள் சுமத்தப்பட்டன.
இதனிடையே 44 வயது பெண் ஒருவரை மிட்ஷுபிஷி டிரிதோன் வாகனத்தால் மோதிக் கொல்ல முயன்றதாக சாய் மின் குவானுக்கு எதிராக மற்றொரு குற்றஞ்சாட்டு கொண்டு வரப்பட்டது.
