எனக்கு தெரியாது என்கிறார் அந்தோணி லோக்
ஜசெகா தலைவர் லிம் குவான் எங் மீண்டும் பினாங்கு முதலமைச்சராக வருவதற்குத் திட்டம் தீட்டப்பட்டுள்ளதாக கூறப்படுவது குறித்து தமக்கு எதுவும் தெரியாது என்று கட்சியின் பொதுச் செயலாளர் அந்தோணி லோக் தெரிவித்துள்ளார்.
அதே வேளையில், இவ்வாறு கூறப்படுவது வதந்தியாக இருக்கலாம் என்று போக்குவரத்து அமைச்சருமான அந்தோணி லோக் குறிப்பிட்டார்.
பகான் நாடாளுமன்ற உறுப்பினராக லிம் குவான் எங்கை மீண்டும் முதலமைச்சராக கொண்டுவருவதற்குப் பரிந்துரை ஏதும் இதுவரையில் முன்வைக்கப்படவில்லை என்பதையும் அவர் தெளிவுபடுத்தினார்.
2008 ஆம் ஆண்டு முதல் இரண்டு தவணைக்காலம் பினாங்கு முதலமைச்சர் பதவியேற்று இருந்த லிம் குவான் எங்கை , மறுபடியும் முதலமைச்சராக கொண்டு வருவதற்கான திட்டம் எதுவும் இருப்பதாக தமக்கும் தெரியவில்லை என்று பினாங்கு முதலமைச்சர் சௌ கொன் யோவ் குறிப்பிட்டுள்ளார்.
