ஜோகூர், பத்து பஹாட், தஞ்சோங் செஜென்டிங், தென் மேற்கு 6.8 கடல் மைல் தொலைவில் படகு ஒன்று கவிழ்ந்து நான்கு உள்ளூர் மீனவர்கள் காணாமல் போன சம்பவத்தை தொடர்ந்து, ஒருவரின் உடல் நீரில் மூழ்கிய நிலையில் மீட்கப்பட்ட வேளை மேலும் மூவர் தேடப்பட்டு வருகின்றனர்.
நேற்று இரவு 7 மணியளவில் 53 வயது Chiah Kah Chong - கின் உடல் மற்றொரு மீனவரால் கண்டெடுக்கப்பட்டது.
பாதிக்கப்பட்ட மீனவரின் உடல் மேலதிக நடவடிக்கைகளுக்காக Batu Pahat கடல்சார் மண்டல படகுத்துறைக்கு கொண்டு செல்லப்பட்டதாக Maritim Malaysia - வின் Batu Pahat மண்டலத்திற்கான இயக்குநர் Komander Mohd Haniff Mohd Yunus கூறினார்.
மேலும், 68 வயது Lee Poh Ling, 62 வயது Tan Hai Lan, 53 வயது Daud Darus ஆகியோர் தேடப்பட்டு வருவதாக Mohd Haniff தகவல் தெரிவித்தார்.
