கைதிகளுக்கு பொது மன்னிப்பு வழங்கும் மன்னிப்பு வாரியத்தின் அதிகாரம் குறித்து கேள்வி எழுப்பியதாக கூறப்படும் பாஸ் கட்சித் தலைவர் அப்துல் ஹாடி அவாங்கிடம் நாளை திங்கட்கிழமை விசாரணை நடத்தப்படும் என்று புக்கிட் அமான் போலீஸ் தலைமையகத்தின் குற்றப்புலனாய்வுத்துறை இயக்குநர் டத்தோஸ்ரீ முகமட் ஷுஹைலி ஜைன் தெரித்துள்ளார்.
ஹாடி அவாங்கிடம் வாக்குமூலம் பதிவு செய்வதற்கு இதற்கு முன்பு நிர்ணயிக்கப்பட்ட தேதியில் அவரின் உடல் நிலை காரணமாக அவரை அழைக்க இயலவில்லை. இதனால் விசாரணையை புக்கிட் அமான் போலீஸ் தலைமையகம் ஒத்திவைத்ததாக ஷுஹைலி ஜைன் குறிப்பிட்டார்.
தேச நிந்தனைச் சட்டம் மற்றும் தொடர்பு, பல்லூடகச் சட்டத்தின் கீழ் ஹாடி அவாங்கிடம் போலீசார் வாக்குமூலம் பதிவு செய்யவிருப்பதாக அவர் விளக்கினார்.
