பாதுகாவலல் ஒருவரை கொலை செய்ததாக பள்ளித் தோட்டக்காரர் ஒருவர், ஈப்போ, மாஜிஸ்திரேட் நிதிமன்றத்தில் இன்று குற்றஞ்சாட்டப்பட்டார். 55 வயது ஆர். ரவிச்சந்திரன் என்ற அந்த தோட்டக்காரர், மாஜிஸ்திரேட் எஸ். புனிதா முன்னிலையில் நிறுத்தப்பட்டு, குற்றச்சாட்டு வாசிக்கப்பட்டது.
ரவிச்சந்திரன், கடந்த அக்டோபர் 13 ஆம் தேதி இரவு 8 மணியளவில் ஈப்போ, சிம்பாங் பூலாய், பண்டார் ஶ்ரீ போதானி யில் உள்ள பள்ளியின் பாதுகாவலர் அறையில் ஒரு பாதுகாவலரான 43 வயது பைசல் அஸ்ரி என்பவரை கொலை செய்தாக குற்றஞ்சாட்டப்பட்டார்.
குற்றவாளி என்று நிரூபிக்கப்பட்டால் கூடிய பட்சம் 40 ஆண்டு சிறைத் தண்டனை மற்றும் பிரம்படித் தண்டனை விதிக்க வகை செய்யும் குற்றவியல் சட்டம் 302 பிரிவின் கீழ் ரவிச்சந்திரன் குற்றச்சாட்டை எதிர்நோக்கியுள்ளார். இக்கொலை வழக்கு விசாரணை உயர் நீதிமன்றத்திற்கு மாற்றப்படுவதால் ரவிச்சந்திரனிடம் எந்தவொரு வாக்குமூலமும் பதிவு செய்யப்படவில்லை. வழக்கு விசாரணை அடுத்த ஆண்டு ஜனவரி 10 ஆம் தேதிக்கு ஒத்திவைக்கப்பட்டுள்ளது.
